專注香港股市資訊 分享港股IPO認購策略
領展(823)的主要業務為投資於房地產以及可能從事各種物業發展和相關活動。
1. 領展2023財年（2022年4月至2023年3月）業績，總收入港幣（下同）122億，同比升5.4%，其實係上市以嚟新高。但扣完經營費用後，可分派總額63億，同比跌咗1.68%。
2. 如果計每基金單位分派（即係每股股息），得HK$2.74，跌咗10%；而如果只計供股後末期分派，每股係HK$1.19，同比更係跌18.7%。
3. 呢個應該係今次業績表面最eye catching位，唔知係唔係呢樣嘢，定剩住大市跌勢，股價當日插到落45蚊。
» Read more
1. 供股性質說明，計數嘢但好重要！
2. 先講個結論，實際供股折讓只係得4.9%，如果供股後無其他因素影響，個股價應該係HK$59.7。
3. 供股就係上市公司向現有股東（記住係：現有股東），按佢地持股比例發行新股，唔係現有股東係無權認購嘅。
4. 假設領展已發行股數係100股，總供得3個股東：股東A本身持有20股，股東B本身持有30股，股東C本身持有50。咁佢地本身持股比例係2比3比5。
5. 今次5供1供股，即係會發行多20股新股（100/5=20），即係股東A可以認購4股（20/5=4）；股東B可以認購6股（30/5=6）；股東C可以認購10股（50/5=10）。
6. 假設全部跟供，供股後，A總共有24股（20+4=24）；B總共有36股（30+6=36）；C總共有60股（50+10=60）。
7. 請問A、B、C之間持股比例有冇因為供股而變化？係冇。因為24:36:60，即係等如2比3比5。所以如果現有股東都供股，無股東係會俾人攤簿持股比例。
» Read more
一連幾篇的領展(0823)系列，由領展近年的收購、債券結構及供股的攤薄效應，層層推進後，最終就要來計算值博率，是否值得供，領展是否仍有投資價值。要計算值博率，今次會借助市賬率(P/B ratio)及預期股息率的數字，當然要砌一個模型去估算領展的資產淨值及現金流等，必定會更精準，青冰隨手拎個大摩的報告模型出來抄就已經搞掂，不過青冰選擇不做，一來不想抄人嘢當自己嘢，二來其實你計得咁精準，做分析員就可能有此需要，但落場交易，很多時候數字都是死的，睇市場價格，再計值博率，才可以幫助自己出市入市。
» Read more
在港股市場，供股似乎是比較邪惡的，因為以坊間對今次領展(0823)供股的反應，都是負面居多，以十幾年前匯豐(0005)要供股，輿論一樣是一面倒的柴台，但平心而論，供股的確比配股公平，同是發了新股，後者是股東沒選擇的情況下被攤薄權益，供股至少還有兩個選擇，就係二字底「死跟」，唔想跟還可以將供股權賣出，袋返少少現金。為咗解釋攤薄效應，青冰整了一個excel表，令大家更容易理解。
» Read more
承接上文「領展近年的大小收購」，我們看到由2019年底至2022年2月，當中英、澳、內地及本港的收購，都是在低息環境下進行，因聯儲局是從2022年3月重啟加息，當時也是輕手的加25點子，但俄烏戰事令全球通脹急劇升溫，無論是英倫銀行或澳洲儲備銀行也同樣大幅加息，簡單來說，領展(0823)以往的收購都在低息環境下拍板，只有新加坡物業是在全球高息環境下進行，但金額卻是近年最大，當然新加坡最近在金融市場搶佔了不少香港人才及生意，可能該物業有龐大的升值潛力，但對整間公司的負債，無疑是百上加斤。
» Read more
