騰訊(700) 2021全年業績點評

1. 全年主營業務增長放緩要有改善，最快都要2022年下半年，但係廣告原來都幾大鑊，可能要等到2023年先有轉機，遊戲業務係受監管影響，但係廣告業務監管同埋宏觀經濟兩種不利因素影響都有。

2. 季度業績主營業務增長放緩，同比升8%環比升1%。經營盈利增加106%最主要係有分派京東股息800億釋放價值作用，唔關主營業務事。所以睇主營業務第四季仲要差過第三季少少。

3. 遊戲業務預期未成年保護措施將於2022年全面消化。遊戲業務：國內收入因為監管打壓全年增長得6%，國際收入增長理想全年有31%增長，可惜國內業務佔比係國際業務嘅三倍，所以整體遊戲業務增長都係放緩。

4. 廣告收入面對嘅困難係監管同宏觀經濟嘅問題，佢哋都講到出口2022年都冇乜起色。

5. 雲服務呢個感覺似係本身嘅業務需要時間去優化同埋提升到利潤率但係都係要啲時間。

6. 毛利率係有啲壓力，2020年45.9%跌到2021年嘅43.8%，因為宏觀經濟唔係咁穩定，又要應付監管，市場競爭大，成本都會高咗。

聲明：以上內容純屬個人意見及分享，並不構成投資、買賣建議或推薦
Credit: CFO講年報