總結半年的 UberEats 步兵生涯

我由二月開始用業餘時間開始做UberEats步兵，平均咁計每月收入約 $700，分分鐘搵間鋪頭做星期六、日Part Time更好。如果唔係貪時間靈活，大概唔會繼續做。當然，我是比較幸運的一群，公司無裁員，只係有意裁員，老闆時不時暗示員工薪工高，以及前景未明朗。

有人會稱「步兵」即係外賣仔，亦有人恥笑為外賣師，不論人哋點稱呼，搵到自己的價值同目標就好。從事體力勞動係好辛苦，亦加速自己思考點解要咁做，最初目標只係彌補返出街既口罩成本，慢慢轉為想自己行多幾步路，當係強身健體（未做之前日均行 3,000 步，而家每日行 10,000 步）。

各位同工可能面對比我更嚴峻的處境，而我作為比較早接觸UberEats，有時行行下會諗點先吸引更多客人落單，所以就諗到整個Coupon頁面。當然，網站各樣嘢都唔太理想，希望逐步完善。

你生命中所有重要的東西需以足夠快的速度不斷改善，超越平凡，走向卓越。

― Ray Dalio, Principles