專注香港股市資訊 分享港股IPO認購策略
海底撈(6862)的預期中期業績通告指，上半年將賺 8,000 萬至 1 億元人民幣，去年同期為虧損 9.6 億元，而收入就按年大增104%，至 200 億元。虧轉盈看似是好事，但只要細心跟去年下半年比較，真係嚇死人，去年上半年蝕 9.6 億，下半年卻是賺 12.7 億，所以全年仍然保到正數，賺 3 億。
火鍋生意當然會有季節性因素，傳統來說都是下半年較好，冬天多啲人食火鍋好易理解啫，但若將今年上半年的數字，跟2017/2018/2019年來比較，就更見分野，三個年度的上半年是賺 4.2 億，6.5億及 9.1 億，雖說今年疫情尚未完全過去，但 1 億跟以往的 4 - 9 億比，實在太驚嚇了，尤其是去年下半年賺12.7億，今次的反差極大。
» Read more
恒指昨天急跌五百點，市況固然係曳，但焦點似乎唔係ATM跌咗幾多，保險股跌咗幾多，而係恒大系四隻股都急挫，恒大(3333)跌16%、恒大物業(6666)跌13%、恒大汽車(0708)跌19%及恒騰網絡(0136)跌12%，原因係有傳內地廣發銀行凍結恒大的銀行存款。恒大好唔掂，缺水，應該都係天知地知大家知的事，而且近年仲狼來了上演了無數次，不過今次似乎堅爆Feel。
青冰一向唔玩恒大系的股份，無論跌得幾殘，挾得幾急，都一貫唔鬼理佢，所以多年來都係食花生為主，亦沒深究佢幾時會爆，佢資不抵債幾多幾多，講真，要跟佢的新聞都認真累呀，今日話佢唔夠錢還債，轉頭又發通告話有錢還，呢頭話佢內銀要為佢做壓力測試，轉頭又話黨慶有份應邀出席，應該無事啦，劇情反轉再反轉。
» Read more
恒指公司將於2021年2月26日公布指數檢討結果，市場除了關注恒指成分股的變動外，哪些股份可以納入港股通也是焦點之一。今年來北水大舉南下，被北水青睞的股份，通常表現不錯，故港股通新貴是誰，也不能忽視。
據光大証券預測，港股通3月潛在納入名單中，生物醫藥、物業管理、休閒娛樂及家具家電等消費類公司佔比在80%以上，若順利納入，對內地投資者而言，可投資的醫藥及消費類公司數量將進一步提升。
» Read more
