和黃醫藥業績短評

醫藥股真係難玩，基本面就係睇吓FDA批唔批，批就發達，唔批就潛水。

1. 好似賭大細咁，你睇唔穿個骰盅裏面啲骰係幾多點。雖然醫藥股有佢哋研發緊隻藥嘅milestone，又有招股書，又講到隻藥預期效益有幾勁，但實情你睇咗呢啲資料同你睇骰盅一樣，裏面啲骰有幾多點都係睇唔到、唔識睇。
2. 佢哋D藥喺未做完三期臨床測試之前，喺FDA未批之前，嗰隻藥股或者嗰隻藥係冇收入嘅，成盤數就係要洗好多錢喺R&D，高管人工，同埋好多其他營運費用。就算最後真係批咗，佢哋賣成點，利潤係幾多，又係未知之數。
3. 所以佢哋要上市集資，搵小股東同佢地一齊搏。
4. 唔係喎，啲B仔股或者醫藥股講到D藥得咗就好巴閉，好似識飛咁樣喎。
5. 但係你要記住喺FDA未批之前，冇嘢係保證嘅。
6. 而且嗰啲講到前景點好點好嘅文件，喺最後一定會包咗一段前瞻性聲明，應該冇乜人會睇，但係其實好重要。
7. 佢啲字眼會講到好嚴重，會講到所有嘢都係高不確定性，都係嗰句：冇嘢係保證。
8. 所以今日佢隻藥唔批，係一個好好嘅例子，股價大跌，冇人可以claim 佢，因為佢講到件事有幾好幾好嘅同時，佢已經披露咗個風險。

聲明：以上內容純屬個人意見及分享，並不構成投資、買賣建議或推薦
Credit: CFO講年報