晶片新管制牽連甚廣

美國政府收緊晶片出口管制，Nvidia(NVDA)隨即發聲明，指早前因應管制而特別為中國製的H800及A800晶片將受新例管制，而高端顯示卡RTX 4090也在管制之列，這些出口管制亦包括港澳地區，所以昨天已有網民發現，腦場反應好快，4090系列已經大幅加價，及後雖有新聞指，美國商務部已澄清4090系列只禁商用及生產用途，消費性應用仍是可以的，不過這幾天消息紛亂，亦唔知澄清有幾多成真。

禁令更新後，NVDA的股價顯著下跌，但公司話短期影響不大，光刻機巨頭ASML亦覺得中長期會影響內地銷售，不過可能預先收到風，最近兩季內地公司已大量入貨，令內地成為上季ASML的最大客戶。市場指Intel(INTC)的影響會較以上兩者更大，因為客源主要來看中國，話雖如此，INTC股價最近兩日也是跌1%左右，唔覺太大影響。

但本身已弱不禁風的港股，反應就大得多，聯想(992)主要跟INTC合作，你唔識跌但聯想就大插水一成。無晶片的最大影響，當然是人工智能的發展，市場消息指百度(9888)等科技龍頭在過去兩季大量入貨，光刻機及晶片全部大手掃，短期未必影響到文心一言，但中長期必見功效，百度已經連跌四日，可見市場睇淡其人工智能的前景。無高階晶片用，除了影響人工智能，另一受打擊的便是自動駕駛的發展，這也是電車三寶蔚小理的發展方向，所以蔚小理昨天的跌幅較大。小米(1810)及華為自研新的手機OS，最終也是想應用到往後自家品牌的電車。如果晶片供應受限制，自動駕駛可以走到幾遠呢，日後你又敢唔敢坐上自動駕駛的小米車呢？

寫到呢度，更加覺得中芯(981)是肩負國家重任，究竟早前華為Mate 60 Pro日晶片是技術取得突破，還是如有些分析講，係用較低階的晶片谷出高效能，我不是科技專家，實在不憧分析。觀乎近日的股價走勢，似乎是手機概念比高科技人工智能更吸引市場，舜宇光學(2382)更走出低谷，所謂High Tech揩嘢，Low Tech撈嘢，相比之下手機市場算係Low Tech，或者會殺出一條血路。